رساله لأولياء الأمور بمناسبه نتيجة الثانويه العامه

 

رساله صغيره لأولياء الأمور بمناسبه الثانويه العامه اللي نتيجتها خلاص ع الأبواب

واحتمال تكون كمان يومين ولا حاجه ،إنت ممكن تكون فرحان بنجاح إبنك ودرجته العاليه أكتر منه لكن مش هتزعل أكتر منه لو جاب درجه قليله! والله هو أكتر حد هيكون زعلان فرفقا بمشاعره أثابك الله.. بلاش تحملوا ضغط أكتر من طاقته وتحسسه إنه كسر فرحه البيت كله! البيت كله مكانش بيذاكر وبيمتحن وبيحلم بكوابيس معاه! رفقا بمشاعره أثابك الله... وبالمناسبه الحضن في اللحظه دي له تأثير إيجابي بيدوم لسنين سواء كانت الدرجه لبت الطموحات ولا لأ... أنا لسه فاكر حضن أبويا الله يرحمه ليا وقتها لحد دلوقتي وكل ماجي أقع أحس إني مسنود والله حسيت إنه مكنش حضن بقدر ماهو كان عكاز أكمل بيه بعد منه ...

بالتوفيق للجميع إن شاء الله