مفيش شك ان نسبه كبيره جدا من الناس اللي طالعين من ثانوي مش عارفين
يختاروا أنهي كليه يدخلوها .
و دا لأن الموضوع داخل فيه عوامل كتير ,
أولهم التنسيق , طبعا .
ثانيا رغبة الأهل والأقارب .
ثالثا مدي قيمة الكلية بالنسبه للمجتمتع اللي هو مبدأ " كليات القمه "...الخ من العوامل .
لكن للأسف , العامل الوحيد المهم فعلاً اللي هو " أنت عايز ايه؟ " , محدش بيهتم بيه نهائياً ,
وشايفين
أنهم يعرفوا مصلحتك أكتر منك و انت لسه عيل صغير و مش عارف مصلحة نفسك
….الخ من تحقير لرأيك و رغبتك في الدراسه في كليه أو مجال خلاف اللي هما
عايزينك تدخله.
أنا علي يقين ان رغبة الأهل في اختيار الافضل لك هي رغبه صادقه 100% ولا يمكن اني أشكك فيها أبدا .
الأب و الأم هما الشخصين الوحيدين في الدنيا كلها اللي عايزين يشوفوك في
أعلي المراتب و أحسن منهم . لكن دا ما يمنعش إنهم أحياناً أو بشكل أدق
كثيراً بيعبروا عن حبهم لك و حرصهم علي مصلحتك بصوره مش صحيحه .
زي مثلا إجبارك علي دخول كليه انت مش بيتحبها
أو زعلهم منك لأنك جبت درحات مش كويسه , بدل ما يكونوا داعمين و مشجعين لك .
الفيديو دا للناس اللي في ثانويه ومستنين الكليات .
هنجاوب فيه عن تسأولات كتير جدا عن الموضوع دا
اختار الكليه علي أي اساس؟
التنسيق وداني كليه مش بحبها , أعمل ايه؟
انا عايز اسيب الكليه !
انا مش عارف اصلا اختار؟
كل دا ان شاء الله في الفيديو دا .
0Comments :